Thủ tướng an gĭt, gay ma ƀư ueh dơh nău kan n’hanh dơn ngoăy bôk nău mât uănh Chính phủ lĕ geh ƀư tay an rnâng kan ntĭm leo, dơn ngoăy jêng du rnâng kan ntiưm leo nsum pă ƀư tĭng 4 bôk nău kan nkô̆ mpŏng ngih dak geh (rdâk njêng nkual ƀon lan, hun hao wăng sa- rêh jêng nkual ƀon lan rnoi đê̆ n’hanh gôl yôk, hun hao văn hoá, mât chăm săk soan, rnoh nuĭh n’hanh hun hao n’hanh nău ueh mhe, n’hao nău dơi ueh ntĭm n’hanh nti). Êng bôk nău kan nkô̆ mpŏng ngih dak mpeh njrăng, rdâng ma tuý yor n’gâng kan công an sŏng dăng leo ntĭm ƀư. Thủ tướng đă geh trong kan ndâk nsơm nău tât mbrơi ƀư pă prăk, ngăn lah rnoh prăk năm 2026 n’hanh rnoh pă prăk geh n’gâng kan ntĭm nti lvang năm 2021-2025 geh ntoch jong tât năm 2026. Nkre lah, ăp ntŭk kan pă kan geh n’gâng kan tuch tăm n’hanh ntŭk gŭ rêh, n’gâng kan dân tộc n’hanh tôn giáo an geh tâm rgop na nê̆ đah n’gâng kan ntĭm n’hanh nti, n’gâng kan văn hoá, thể thao n’hanh pâl nđaih gay ma mbơh tơih tâm ban ăp bôk nău kan, mât đăp mpăn ƀư lôch ăp nkô̆ ngluh mbơh kan.