Bar hê nuĭh leo kan tâm ban ŭch geh ndâk nsơm tay nău tâm knơm chính trị, n’hao nău tâm mbơh kan gưl têh, mbơh tơih geh săk rnglăy ăp nău tâm ton lĕ geh ký. Mpeh nău wăng sa, bar dak mbra geh ntrôl ơm an dŏng nău kan n’hanh ƀư tĭng ăp nău tâ ton tăch rgâl bar ding, nkre lah pơk hvi nău tâm kơl kan tâm ăp trong kan phe, ba, ndơ bum mbo, tui ka, tanh cheh, viễn thông, rgâl mhe rnoh mbrô, ndơ dŏng n’hanh dịch vụ. Thủ tướng Limor- Leste đă Việt Nam an geh pă tay ăp ntil ndơ geh nău dơi, ngăn lah phe, ntop mât đăp mpăn rnă njrăng ndơ sông sa an dak aơ. Bar ding lĕ tâm ban ŭch n’hao nău tâm kơl kan mât rnă njrăng ngih dak, đăp mpăn, ntĭm nti rnoh nuĭh kan, văn hoá, pâl nđaih, thể thao n’hanh tâm mbơh nău tă blău kan hun hao tuch tăm nâp nâl.