Lơ 13/7, ta ntŭk kan Chính phủ, Thủ tướng Chính phủ Lê Minh Hưng hŏ vơt Ntoh măt bah Hợp chủng quốc Hoa Kỳ ta Việt Nam Jennifer Wicks. Rhơn wa Jennifer Wicks geh săch ƀư nŭih kan ntoh măt ta Việt Nam, Thủ tướng joăl nau ôp khâl tât Tổng thống Donald Trump ndrel rhơn ân Chính phủ, ƀon lan Hoa Kỳ di nkah 250 năm Quốc khánh. Thủ tướng lah rjăp, Việt Nam tâm ban uănh Hoa Kỳ lah ngoai tâm ăp dak kan nsum khlay bôk năp; kơl an Hoa Kỳ ƀu ƀư nau kan ueh ngăn ân đăp mpăn ndrel nâp nâl tâm nkuăl ndrel lam ntur neh. Thủ tướng ân lah, bar dak ân geh ntrŭt dăng tâm boh văng sa, tăch rgâl tĭng trong tâm ban, nâp nâl, ndrel geh sak rnglay; ndal doh klaih nau nkol ndrel ơm ƀư jêh nau tâm nchră, ký ton nau tâm boh kan tăch rgâl ăp ntil, nau kan ê nkra, tăch rgâl.

            Ntoh măt Jennifer Wicks mbơh Hoa Kỳ uănh khlay nau tâm bih đah Việt Naml đah nau ŭch ƀư “Ntô̆ n’hao lah dak kan nsum Việt Nam” ndrel nau lah ueh tă bah Tổng thống Donald Trump ndrel Kruanh n’gâng kan nchră nau Marco Rubio tât rđau kan gưl prêh Việt Nam jêh ăp nau rhơn ŭch ueh di nkah 250 năm nar Quốc khánh Hoa Kỳ. Ntoh măt Hoa Kỳ lah rjăp, nau tâm boh văng sa, tăch rgâl lŏ lah nau kơl an bôk năp tâm năm kan bah wa. Ntoh măt ŭch bar ding ân mât nau tâm nchră ngăn gay ơm geh dơi du nau nchrăp ƀư nau kan tăch rgâl prêh, leo tât nau đor lor, tâm ban ndrel ueh lăng, bah nê pơk tay nau geh nkhêp ueh mpeh văng sa, ntuh kơl ân lĕ ma bar dak./.