Di rnôk hăn râng rơh rƀŭn gưl prêh ASEAN tal 46 ta Malaysia, Thủ tướng Chính phủ Phạm Minh Chính hŏ mâp ma Kđăch Brunei Darussalam Sultan Haji Hassanal Bolkia. Tâm rnôk tâm mâp, neh dak Brunei rhơn ndơn saơ nau tâm boh đah Việt Nam ndrel Brunei lŏ hun hao ueh tâm rlau 30 năm rlau aơ. Kđăch Brunei ân lah, bar dak hôm âk nau kan gay geh lăp dŏng nsum, ƀư ueh tay nau tâm boh mpeh dak pring, hoá chất, tuch tăm, tui ka, pâl n’aih, ê nkra ndơ sa Halal. Mpeh nau rƀŏng tâm boh 2 ding.

Thủ tướng Phạm Minh Chính đă Brunei lŏ pơk trong nơih lơn ân ăp ntŭk ƀư nau kan tăch rgâl bah Việt Nam geh tâm boh tâm nau kan tăch rgâl Việt Nam, tâm boh nau kan dak pring, hoá chất; ndơ ngêt sa; pă tay săm ƀŭt ân ăp duk joi nhŭp ka, nŭih hăn joi nhŭp ka Việt Nam geh joi nhŭp tui ka tâm nkuăl dak lêng bah Brunei; nkre kơl an Việt Nam pă săm ƀŭt kơp dơn, ê nkra ndơ Halal ndrel ndăn dơi ngăn ndơ dôl geh âk ntil, ăp nau bah Việt Nam. Di rnôk aơ, bar rđau kan tâm ban nau lŏ ƀư ân săk tam ăp nau kan ntrŭnh ƀư tâm boh kan nsum ăp ntil Việt Nam-Brunei tâm lvang năm 2023-3037, ndrel ƀư jru nâp lơn tay nau tâm boh bar ding tâm rơh tât./.