Ôi ntri (22/5), ta Nhih pah kan Chính phủ, Thủ tướng Chính phủ Phạm Minh Chính ƀư tơm rơh hop Chính phủ way nkô̆ rdâk njêng pháp luật khay 5/2025, an nău rgop, uănh an dŏng đah 2 trong nchrăp luật n’hanh 4 nău dăn đă rdâk njêng luật.  Ta rơh hop, ăp đại biểu tâm nchră an nău rgop 02 trong nchrăp luật lah: trong nchrăp Luật Nhŭp kân nuĭh (rgâl nkra), trong nchrăp Luật manh nhŭp kân, manh krŭng n’hanh mpăng luh bah ntŭk gŭ n’hanh 04 nău dăn đă rdâk njêng luật lah: Luật Mpêt nkrem, njrăng mpŭng lir; Luật giám định tư pháp (rgâl nkra); Luật đăp mpăn kloh ndơ sa (rgâl nkra); Luật Rnoh nuĭh.

 Ăp nău rgop ta rơh kơt nti rgum tâm rkhăch mpeh quy định hiến mô tâm săk nuĭh tih; nău dơn kan dơi kan bah ndrung krŭng tâm nău dơn prăk kaih nuĭh tih, rnăk nuĭh tih ndơ̆ êng ta ndrung krŭng gay nkơng dôih, rgâl ndơ̆ an nhih pah kan phat dôih ƀon lan ngăn; geh tât nuĭh tih lah nuĭh dak bah dih; mpeh tĭng jăp nău gŭ ndrung bah nuĭh tih; trong nkra ƀư tư pháp nchâp đă săm nuĭh ji ndrăng, nău dơn kan nhih pah kan công an tâm trong kan nsum ƀoi tĭng nhŭp nchâp đă săm ji nchuăt krap n’hanh mpeh trong kơl n’hao săk blău rmôt nuĭh uănh năl di tư pháp n’hanh ƀư uănh năl di tư pháp.