VOV4.M’nông – Kêng măng 19/7, di nkah gĭt 75 năm nar Thương binh Liệt sĩ Thủ tướng Chính phủ Phạm Minh Chính lĕ tât khâl n’hanh an ndơ an ăp tahen ơm sôt rmanh ta Ntŭk mât rong tahen sôt rmanh Kim Bảng, n’gor Hà Nam.

Thủ tướng khâl Ntŭk mât rong tahen ơm sôt rmanh Kim Bảng, n’gor Hà Nam.

Ndơn măt Kruanh Đảng, Ngih dak n’hanh đah nău ŭch êng, Thủ tướng Chính phủ Phạm Minh Chính lĕ njuăl ăp tahen ơm sôt rmanh, tahen kop ji ơm, nuĭh geh soan đah cách mạng ta lam dak n’hanh ăp yuh nô sôt rmanh, kop ji dôl săm ta Ntŭk mât rong tahen ơm sôt rmanh Kim Bảng nău ôp khâl đêp rmên n’hanh ăp nău rŏng uĕh ngăn.Thủ tướng răm rhơn rnôk dơi gĭt Ntŭk mât aƀaơ lah jay nsum tâm pêt tâm rŏng bah 77 tahen ơm sôt rmanh, kop ji mbăn hô ngăn, roh soan bah 81% let lơ n’hanh 35 nuĭh bên nuĭh geh soan đah cách mạng.

Thủ tướng khâl Ntŭk mât rong tahen ơm sôt rmanh Kim Bảng, n’gor Hà Nam.

Di rơh aơ, Thủ tướng đă N’gâng kan Lao động, Thương binh n’hanh xã hội n’hanh ăp ngih pah kan geh tât ƀư rjăp naư kơl đah nuĭh geh soan đah cách mạng, mĭn nău mât uănh ƀư tĭng nău kơl an nuĭh geh soan lah nău kan ƀa ƀơ, jŏ jong bah lĕ trong chính trị n’hanh lĕ kon nuĭh.

Nuĭh rlang: Y Sưng Phê Ja