Kêng măng 8/10, ta Thủ đô Viêng-chăn, Lào, Thủ tướng Chính phủ Phạm Minh Chính geh rơh rgum nchră đah Tổng Bí thư, Kruanh dak Lào Thoong-lun Xi-xi-lít nkhêp di râng Rƀŭn nchră gưl prêh ASEAN rơh tal 44, 45. Thủ tướng Phạm Minh Chính mĭn lah Đảng, Ngih dak n’hanh nuĭh ƀon lan Việt Nam uănh khlay mro n’hanh kơl an âk ngăn an nău tâm boh dăch dêh têh, tâm rnglăp têh n’hanh kan ndrel lĕ rngôch Việt Nam-Lào, uănh aơ lah drăp ndơ dŭt khlay, đă an ƀư di, kơl lor bôk năp, săch du đêt n’hanh nkô̆ nău rêh đah nău kan cách mạng bah 2 dak, an mât ăp rơh kơn bah kơi.

2 nuĭh kruanh tâm ban ŭch tâm năm tât, 2 ding an rgum ƀư tĭng săk rnglăy ăp hiệp định, tâm ton kan ndrel đah 2 dak, lơn lah săk rnglăy rơh mâp đah 2 N’gâng kan Chính trị Việt Nam-Lào dăch aơ ta Hà Nội; n’hao lơn tay boăt nthoi 2 jâng wăng sa tâm rgâl nău blău ơm, tâm mbơh, tâm rgop rjăp n’hanh tâm kơl ndrel ta ăp rƀŭn lam ntŭr neh n’hanh nkual.