Kêng măng 9/10, ta thủ đô Viêng Chăn (Lào), Thủ tướng Phạm Minh Chính n’hanh Thủ tướng Singapore Lawrence Wong hŏ tâm nchră lor bôk năp tâm rơh mâp way ăp năm đah bar Thủ tướng, nkhêp geh râng tâm nchră gưl têh ASEAN 44, 45. Bar Thủ tướng rhơn uănh saơ tâm boh bar ding hun hao mô hŏ tă geh n’hanh lam  lĕ rngôch ta ăp trong kan; lah rjăp nău nsrôih n’hao tâm boh têh mhe.

Bar ding tâm ban ŭch tâm boh wăng sa nha hôm lah n’gâng tơm khlay tâm  boh bar dak đŏng; kan nsum an ƀư geh nău tam Tâm ton rpaih mpeh buăt nthoi bar jâng wăng sa n’hanh Tâm boh wăng sa kloh uĕh- wăng sa mbrô Việt Nam - Singapore, lơn lah buăt nthoi ndơ dŏng viễn thông; hun hao rêng kan VSIP 2.0 jŏ jong, ăp tŏng nău lư; hun hao ŭnh nar kloh uĕh. Bar Thủ tướng lah rjăp ân n’hao  dăng lơn đŏng tâm boh tâm  ăp trong kan khlay êng ƀa ƀă kơt njrăng n’gang neh dak – rnă njrăng- ntĭm nti, văn hóa n’hanh tâm nđŭr ƀon lan. Thủ tướng Chính phủ Phạm Minh Chính lah rjăp mbra nta trong dơh an ăp doanh nghiệp Singapore pơk hvi ntuh kơl tâm Việt Nam.