Lôch rơh vơt, Thủ tướng Chính phủ Phạm Minh Chính tâm nchră đah Thủ tướng Trung Quốc Lý Cường. Ta rơh tâm nchră, Thủ tướng Phạm Minh Chính knơm rơh tât khâl bâh Thủ tướng Trung Quốc mbra geh nău dơi ueh, ndơ̆ nău tâm boh kan 2 ding ăp nar lơ ma săk rnglăy, na nê̆, n’hanh lĕ rngôch, ntop ta nău đăp mpăn, ueh lăng n’hanh tâm kơl, hun hao ta nkual n’hanh lam ntur neh. Mpeh nău tâm kơl ta let năp tay, bar hê Thủ tướng tâm ban ŭch mbơh tơih an săk rnglăy ăp nău gĭt vât nsum bâh nuĭh leo kan gâl têh bâh 2 Đảng, 2 dak, ndâk nsơm tay nău knơm chính trị, mât ƀa ƀơ rơh tâm mâp gâl têh n’hanh ăp gâl kan, ntrôl ăp nău tam nđur, tâm kơl, ntrôl tâm kơl ngăn ngên ta ăp trong kan tơm, n’hao nău tâm nđur ƀon lan, ndâk nsơm nău rêh jêng nâp nâl an hun hao bâh tâm boh kan Việt - Trung, geh tâm kơl tay na nê̆ n’hanh kơl ndrel tâm ăp nău kan, rơh tâm mâp âk ding, tâm kơl mât uănh ueh n’har bri ta neh kơh.