Kêng măng 19/3, ta ntŭk kan Chính phủ, Thủ tướng Chính phủ Phạm Minh Chính vơt Kruanh n’gâng kan nchră nau ndrel văng sa tâm nchră Hungary Szijjártó Péter tât mâp di rnôk hăn khâl Việt Nam ntơm lơ 18-19/3/2025. Tâm rnôk mâp, Thủ tướng Phạm Minh Chính lah rjăp Việt Nam mro uănh khlay nau hun hao tâm boh ma Hungary, tâm nchră ăp ntil bôk năp bah Việt Nam tâm Trung Đông Âu. Thủ tướng Phạm Minh Chính đă bar ding ân mât nau tâm nchră gưl nkuăl ăp gưl, ngăn lah gưl prêh. Kruanh n’gâng kan Szijjártó Péter lah rjăp:

Hungary ŭch ntrŭt dăng nau tâm boh rjăp lơn tâm nau tâm boh kan nsum ăp ntil ndrel tâm boh âk nau kan ma Việt Nam, dak kan nsum khay bôk năp bah Hungary tâm nkuăl Đông Nam Á. Tâm nchră tât nau kan lam ntur neh ndrel nkuăl ndrel uănh khlay, Thủ tướng Chính phủ Phạm Minh Chính ndrel Kruanh n’gâng kan Szijjártó Péter tâm ban nau bar dak geh âk nau mĭn ƀư nsum tâm nau tâm nchră, ân n’hao nau tâm boh ndrel hun hao lŏ lah nau dơi nsum bah lam ntur neh, ăp nau tâm pit ân geh rkaih ma nau kan đăp mpăn tâm nau ryơk bah lam ntur neh, yor nau geh dơi nsum bah ƀon lan ăp rnoi./.