Kêng măng 2/7, ta ntŭk kan Chính phủ, Thủ tướng Chính phủ Phạm Minh Chính hŏ vơt rđau kan rmôt kan Makara Capital (Singapore) dôl tât uănh, ntơm ntuh kơl tâm Việt Nam. Wa Ali Ijaz Ahmad, Kruanh nkre lah Tổng Giám đốc Makara Capital Partner mbơh, Makara Capital hŏ mĭn uănh ntŭk ƀư kan tăch rgâl bah Việt Nam dŭt rjăp ndrel rnơm tâm ăp nau rƀŏng geh nau dơi, geh nau uănh, nau ŭch hun hao bah Việt Nam.

Rnê prêh nau kan ntuh kơl tăch rgâl geh nau dơi bah Makara Capital rơh rlau aơ, rnê rmôt kan kơl an, joi nau geh ntuh kơl, tâm boh kan tăch rgâl ta Việt Nam rơh tât, Thủ tướng Phạm Minh Chính mbơh, ăp nau kan ma rmôt kan ŭch ngăn lah công nghiệp dược-sinh học ndrel Ntŭk kan tơm prăk tâm lam ntur neh lah ăp nau kơl an bah Việt Nam gay hun hao tĭng nau ngăch, ndrih, nâp nâl./.