VOV4.M’nông: Ôi lơ 25/7, ta Hà Nội, Quân uỷ Trung ương, N’gâng kan neh dak ƀư rƀŭn Quân chính lam tahen 6 khay bôk năm 2022. Wa Phạm Minh Chính, Thủ tướng Chính phủ, Uỷ viên Rnâng kan Quân uỷ Trung ương râng ndrel rđau nar rƀŭn. 6 khay bôk năm 2022, Quân uỷ Trung ương, Rnâng kan neh dak rđau, đă lam tahen ân geh tâm rnglăp, tâm ban, nsôih tâm lơh, ƀư jêh ăp nau kan, âk nau kan ƀư ân jêh, geh nau kan dơi ngăn ngên. Mpeh nau kan tơm tâm 6 khay dŭt năm, lam tahen ân geh nchrăp, ngăch gĭt, ơm nchoh, nchră tâm di nau kan, năn kơl tâm nchră nau ma Đảng, Ngih dak geh nau kan rklaih ân ngăch ăp nau tât ndal.

Lŏ kơl nchră nau gay ma ntrŭnh, ƀư ăp nau kan, bôk nau kan, ntrong kan pháp luật mpeh tahen, neh dak, ƀư ueh nau nchrăp tâm rgop ma n’gâng kan neh dak đah văng sa, rêh jêng, ntrŭnh ân rjăp nau kan neh dak tâm N’gâng kan, ntŭk kan, nkuăl ndrel ntĭm mbơh nau kan mât neh dak, đăp mpăn ân ăp nŭih, Mât ân njrăp nau kan mra tâm lơh, mât ân nâp nkuăl trôk, dak lêng, n’har bri, neh dak, mât nâp nau ƀư tơm bah neh dak, ăp nau kan hun hao văng sa dak lêng./.

Nŭih rblang: H’Thi