Kêng măng 25/3, Thủ tướng Chính phủ Phạm Minh Chính ƀư tơm nar rƀŭn Rnâng kan Chính phủ, djăt N’gâng kan ntĭm nti ndrel N’gâng kan dak si mbơh ăp nau nchrăp ƀư kan khlay tâm nau kan bah Bộ Chính trị. Tâm nar rƀŭn, Thủ tướng Phạm Minh Chính đă ăp nhoat ntĭm nti nau ngơi Anh tâm nau ntĭm nti ntơm jrâu 1 tât 12. Nchrăp nau ntrŭnh bah N’gâng kan ntĭm nti ndŏ nkô̆ nau gay n’hao nau nâp ntĭm nti; ndâk njêng, hun hao ăp ntil kon nŭih Việt Nam geh nau gĭt, nau blau, nau vay, n’hâm soan, nau dăng, nau dơi; n’hao nau blau nau ngơi dak ba dih, ngăn lah nau ngơi Anh tâm ăp ngih săm ƀŭt.

Thủ tướng Phạm Minh Chính đă N’gâng kan ntĭm nti rgum mbơh nau tâm nar rƀŭn, ƀư jêh nau đă ntrŭnh Bôk nau kan bah neh dak mpeh nau ƀư mhe, n’hao nau nâp nau ntĭm nti. Bôk nau kan mbơh luh nkô̆ nau ân ntĭm nau ngơi Anh tâm nau ntĭm nti ntơm jrâu 1 tât jrâu 12 Nau ntĭm nti kon nŭih ân geh rgum tâm nau mĭn, nau blau, nau ueh, nau dơi. Nuih n’hâm ueh, bôk rngok blau hŏ âk, yơn ân geh dơi ngăn ri tâm rơh rlau aơ ê geh ƀư rjăp. Nkre kơl an tât ăp kon se tâm nkuăl jru, ngai, n’har bri, gôl dak./.