Ta rơh lễ, Thủ tướng Lê Minh Hưng hŏ an ndơ nkhôm khlay bah Đảng n'hanh Ngih dak, nchih nkah ăp nău rgop bah Hiệp hội n'hanh nsum mpôl doanh nghiệp jê̆ n'hanh dah găp tâm n'gâng kan rdâk njêng, hun hao neh dak. Thủ tướng Lê Minh Hưng dăn đă nsum mpôl doanh nghiệp jê̆ n'hanh dah găp ân mât nău ŭch têh, tĭng kơn jêng doanh nghiệp têh, pơk hvi nkual n'hanh lam ntŭr neh. Thủ tướng lah rjăp nău khlay kan bah nkual wăng sa êng bah dih ngih dak, tâm nê doanh nghiệp jê̆ nhanh dah găp lah mpôl kan rgop tĭng ƀư rnoh tât hun hao bar mbrô nhanh ăp trong nchrăp hun hao neh dak tât năm 2030, uănh ngai tât 2045. Thủ tướng đă ntik n'hao tay nău dơh glêh siƀŭt, nta trong dơh tăch rgâl nhanh prăk kaih tĭng jăp; ƀư lôch jêh trong nchrăp Luật Hun hao doanh nghiệp jê̆ nhanh dah găp. Ngân hàng Ngih dak ân rđău đă ăp mpôl kan an manh âk ntil ndơ, dŏng công nghệ, rhoăt đêt nar mkra siƀŭt gay doanh nghiệp dơh tât tơm prăk.