Rơh tât pah kan lĕ mpơl na nê̆ nău knơm lam ntur neh bâh Việt Nam n’hanh pơk luh âk rơh nkhêp mhe tâm kơl kan na nê̆. Ta rơh rƀŭn nchră gưl têh BRICS tal 18, Thủ tướng Lê Minh Hưng lĕ geh nău ntoh ngơi ntĭm đă khlăy ngăn, rgum ta ăp nău kan tơm geh dak tơm jay Ấn Độ ndrel đah ăp ngih dak kan ndrel BRICS dŭt mât uănh. Ta rơh tât pah kan, Thủ tướng Lê Minh Hưng lĕ geh rơh tâm nchră gưl têh khlay đah Thủ tướng Ấn Độ Narendra Modi. Aơ lah rơh gay ma nuĭh leo kan 2 chính phủ uănh nđôi tay, uănh năl nău ƀư tĭng tâm kơl kan ndrel lôch rơh tât khâl khlăy ngăn bâh Tổng Bí thư, Kruanh dak Tô Lâm tât ta Ấn Độ- ta rơh 2 dak n’hao nău tâm boh kan ndrel lĕ rngôch n’hao nău kan. Bar ding lĕ tâm ban ŭch dơn ngoăy ăp ntrong kan, nău kan na nê̆ gay ma ƀư tĭng ăp nău tâm ton gưl têh tâm let năp tay.