Rơh rƀŭn nchră gưl têh aơ geh nău khlăy ngăn gay ma ntrôl nău tâm boh kan  tơm ASEAN - Nga, ndâk nsơm nău tâm ton kan chính trị, ƀư mhe nău tâm kơl kan n’hanh uănh năl trong kan tơm an nău tâm boh kan ASEAN - Nga ta rơh mhe tay ta lĕ pe nău kan tơm nĕ lah Chính trị- rnă njrăng, wăng sa n’hanh văn hoá- rêh jêng. Di rơh tât râng rơh rƀŭn nchră. Thủ tướng Lê Minh Hưng nchrăp geh ăp rơh tâm nchră, pah kan đah nuĭh leo kan Liên bang Nga n’hanh Cộng hoà Tatarstan, lah na nê̆ Việt Nam way geh uănh khlăy nău tâm boh tâm rnglăp way ơm, ăp dak kan ndrel lĕ rngôch đah Nga n’hanh ŭch mât ndâk nsơm nău tâm kơl kan ta ăp trong kan yor nău geh nsum bâh lĕ mpôl rnoi, tâm rgop ueh an nău đăp mpăn, ueh lăng, tâm kơl kan n’hanh hun hao ta nkual n’hanh lam ntur neh.