Tâm nău dŭt ryơk rngot klâng, mpôl pah kan Trung ương lĕ geh 1 mnĭt kahgĭt n’hanh lah ueh 192 nô tahen khĭt tâm lơh kăl e leo tâp ta môch aơ. Thủ tướng n’hanh mpôl pah kan mpơl nău lah ueh dŭt n’hâm n’hanh lĕ nău rêh kahgĭt têh tât ăp nô tahen khĭt tâm lơh kăl e lĕ ntop lĕ săk soan nting mham khĭt săk rlă lŭ yor nău kan cách mạng ntoh lư bâh Đảng, bâh mpôl rnoi. Nkah gĭt nău mĭn ngêt dak kahgĭt tu, tâm pêt tâm lơh, Đảng, Ngih dak n’hanh ƀon lan he way geh ntêm nău mât kơl dŭt khlăy đah nuĭh geh kan đah cách mạng, mô rlu mât kơl nău rêh nău mĭn nău kan bâh tahen sôt rmanh, tahen geh nău ji, nuĭh rnăk vâl tahen khĭt n’hanh nuĭh geh kan kăl e, nkre lah, an geh mât rbăy tay, n’hao tay nău way ơm rŏng dak, ntĭm nti nău mĭn cách mạng, ntĭm nti nău rŏng pah kan, rdâk njêng n’hanh mâp nâp neh dak tâm ăp rơh kah nar aơ n’hanh let năp tay.