Ntơh măt kruanh rđău kan Đảng, Ngih dak, Thủ tướng mpư rnê n'hanh mbah rhơn ăp nău dơi, nău geh rnê n’hao ma Học viện Quốc phòng hŏ dơi geh tâm lĕ 50 năm bah năp. Học viện hŏ ntĭm nti, kơi năp nti hang rbăn cán bộ gưl têh bah Đảng, Ngih dak n'hanh mpôl tahen; nsrôih gŭ mĭn khoa học, n'glôch jêh nău ngăn geh, hun hao lý luận n'hanh nghệ thuật tahen mât njrăng bri dak Việt Nam. Ta năp nô nău lam ntŭr neh tât krit nji n'hanh nău dơn kan mât njrăng neh dak nău ŭch geh nar lơn ma âk, Thủ tướng Lê Minh Hưng nkah nău dơn kan rgum tơm ma Học viện Quốc phòng ân rgum tĭng ƀư. Thủ tướng đă njêng njoat rgâl mhe mpeh săk blău ntĭm nti, kơi năp nti cán bộ chiến dịch, chiến lược n'hanh cán bộ gưl prêh bah Đảng, Ngih dak, mpôl tahen nkre đah n'hao lơn tay săk blău gŭ mĭn khoa học; ndơ̆ Học viện jêng ntŭk rgum tâm ôp tâm nchră gưl têh mpeh tahen, njrăng n'gang neh dak bah nkual.