VOV4.M'nông: Nar 15/7, Thủ tướng Phạm Minh Chính hŏ ndơ̆ si ƀŭt n'glêh an Bí thư Ban cán sự Đảng Bộ Y tế n'hanh jao nău dơi kan an Bộ trưởng Bộ Y tế an wa Đào Hồng Lan - Ủy viên Trung ương Đảng, Kruanh Mpôl Đại biểu Quốc hội n'gor Bắc Ninh.

Ntơh măt kruanh rđău kan Đảng, Ngih dak, Thủ tướng mbah rhơn wa Đào Hồng Lan hŏ dơi Bộ Chính trị, Ban Bí thư Trung ương Đảng, Chính phủ nsing nơm jao dơn mât nău kan dja. Kalơ ntŭk gŭ kan mhe đah âk ntul rlong dja, Thủ tướng nsing nơm wa Đào Hồng Lan mbra mpơl tay âk nău dơi kan bah he, ndrel đah nsum mpôl Ban cán sự đảng, kruanh rđău kan Bộ, rmôt cán bộ, công chức, viên chức, nuĭh kan lam n'gâng kan, nđơn tay nău way ơm uĕh lăng bah n'gâng kan dak si, mô rlu nău nsrôih, nkra bah jêr jŏt ntul rlong, ƀư lôch jêh uĕh nău kan Đảng, Ngih dak n'hanh ƀon lan jao an./.

Nuĭh rblang: Điểu Thân