Kêng măng 9/11, Thủ tướng Nhật Bản Takaichi Sanae hŏ ƀư tơm lễ wơt rgum Tổng Bí thư, Kruanh dak Tô Lâm. Lôch lễ wơt, Thủ tướng Nhật Bản n’hanh Tổng Bí thư, Kruanh dak leo mpôl ntơh măt gưl têh bar dak ƀư rgum nchră. Việt Nam n’hanh Nhật Bản njêng tâm boh ngăn năm 1973.

Rlău 50 năm bun dăp n’hanh rdâk njêng, tâm boh dêh bên n’hanh tâm boh đah Việt Nam n’hanh Nhật Bản mô rlu dơi rdâk nâp n’hanh hun hao lam lĕ rngôch ăp trong kan. Nhật Bản way lah ngoăy tâm ăp dak tâm boh khlay dâk bôk năp n’hanh lah dak kơl ODA dŭt têh an Việt Nam. Nar lơn ma geh âk doanh nghiệp Nhật Bản tâm ăp trong kan công nghệ mhe, lơn lah trí tuệ nhân tạo (AI), uănh khlay n’hanh pơk hvi nău kan ta Việt Nam. Mbra dơi lah tâm boh Việt Nam-Nhật Bản dôl tâm rơh hun hao dŭt uĕh lăng, nsing nơm chính trị dŭt têh. Nhật Bản dŭt nsrôih kơl Việt Nam mpeh âk nkô̆ nău ta ăp rơh rgum nchră bar ding n’hanh âk ding. Hăn khâl Nhật Bản bah Tổng Bí thư, Kruanh dak Tô Lâm dơi mpŏng mbra ntrŭt ntrôl ƀư jêng ngăn ngăn ăp nău tâm ton hŏ dơi geh đah kruanh rđău kan gưl têh bar dak ăp bôk nău kan, trong nchrăp tâm boh ngăn ngăn ta ăp trong kan. Bah nê, hăn khâl mbra rgop uĕh tâm nău tĭng ƀư ăp rnoh tât hun hao bah bar dak, tâm ban kơt tâm đăp mpăn, tâm boh n’hanh hun hao ta nkual n’hanh lam ntŭr neh..