VOV4.M’nông: Ôi lơ 26/7, ta ntŭk kan chính phủ, Thủ tướng Phạm Minh Chính ƀư tơm nar rƀŭn Chính phủ nkô̆ nau ndâk njêng pháp luật khay 7/2022 gay uănh 4 nau nchrăp luật, du nau đă ndâk njêng luật ndrel nau ntrŭnh bah chính phủ. Ntoh nau tâm nar pơk bôk nar rƀŭn, Thủ tướng Chính phủ Phạm Minh Chính lah rjăp, nau kan ƀư ntrong kan lah 1 tâm 3 nau kan mhe tâm nau mât, rđau kan ueh lơn. Ăp n’gâng kan, ntŭk kan, nkuăl n’hao nau dơi ân nau kan aơ hôm âk ntŭk ê geh ƀư rjăp. Thủ tướng jao ân N’gâng kan Tư pháp geh nau ntĭm mbơh n’hao nau dơi ân nau kan ndâk njêng quy phạm pháp luật, N’gâng kan tơm prăk tâm nau kan aơ. Rơh rƀŭn rgum uănh 4 nau nchrăp luật, geh Luật njrăng rdâng dân sự, Luật njrăng, rdâng nau dŏng prăk (rgâl nkra), Luật mât nau dơi nŭih dŏng (rgâl nkra), Luật dŏng kan điện tử, lah ăp luật ân geh dơi tâm rnôk aơ gay ma ƀư nau mât ngih dak ân rjăp, săk tam lơn, pơk trong nơih ân nŭih ƀon lan ƀư tĭng pháp luật ueh lơn./.

Nŭih rblang: H’Thi