Ntoh ngơi ta rơh rƀŭn nchră, Thủ tướng Chính phủ Phạm Minh Chính đă ASEAN n’hanh Ấn Độ bun dăp tay  ăp nău kan nsum mpeh văn hóa, rêh jêng, kon nuĭh, hun hao tâm boh kan bar ding ăp nar lơ ma nâp nâp lĕ rngôch. Thủ tướng lah na nê̆, bâh nău kan nsum nâp nâl, tâm rnglăp jŏ jong, ASEAN ŭch ndrel đah Ấn Độ, dak kiau meng dăch bên, nuĭh băl ueh n’hanh dak kan ndrel knơm lĕ rngôch, tâm rgop âk an nău đăp mpăn, ueh lăng, tâm kơl hun hao têh dăng, nâp nâl bâh ăp ding, tâm nkual n’hanh ta lam ntur neh. Lah na nê̆ nău tâm boh kan ndrel lĕ rngôch ASEAN - Ấn Độ, Thủ tướng đă 2 ding an ndrel ntrôl tâm nchră, tâm kơl n’hanh rdâk njêng nău tâm knơm, doh rklaih nău tâm pit tâm in đah ăp trong kan đăp mpăn, tâm rdâng đah ăp nău ntul rlong nsum, n’hao nău luật pháp lam ntur neh. Thủ tướng Phạm Minh Chính kơl an ăp nău mĭn kan bâh Ấn Độ kơt nău mĭn kan rmôt kan ndrel ŭnh măt nar, rmôt kan ndơ dŏng sinh hoạt, rmôt kan ndơ dŏng tâm rdâng đah mih sial, tâm ban kơt đă Ấn Độ kơl an hun hao ndơ ƀư dak si.