VOV4.M’nông-  Kêng măng nar 14/7, ta ntŭk kan chính phủ, Thủ tướng Chính phủ Phạm Minh Chính leo rơh rƀŭn nchră hun hao ntŭk tăch rgâl neh ntu đăp mpăn, ueh tâm di, nâp nâl jŏ jong. Rơh rƀŭn nchră geh ƀư tĭng trong trực tuyến đah ntŭk kan chính phủ đah UBND 5 nkuăl ƀon têh ta Trung ương geh, Hà nội, nkuăl ƀon têh Hồ Chí Minh, Đà Nẵng , Hải Phòng, Cần Thơ.

Ta rơh rƀŭn nchră, ăp đại biểu rgum tâm nchră uănh năl n’hanh nchroh năl ntŭk tăch rgâl neh ntu Việt Nam, dăn đă mpŏng kan, trong kan mpeh nău kan geh ƀư n’hanh rnoh pă an gay ma ntŭk tăch rgâl neh ntu geh hun hao ueh, đăp mpăn, tâm di, nâl nâl jŏ jong. Ntoh ngơi ta rơh rƀŭn nchră, Thủ tướng Phạm Minh Chính đă ăp n’gâng kan, ntŭk kan an geh gĭt na nê̆ nău hun hao ntŭk tăch rgâl an geh mât tâm ban nău pă uănh, njêng ntŭk kan tâm di, tâm nĕ an lor mpeh nău đăp mpăn rêh jêng, tâm ryơk ƀư tĭng nău way ntŭk tăch rgâl yơn lah an geh nău kan mât uănh bâh ngih dak, mô an geh nău mô ueh, mât leo ntŭk tăch rgâl.

       Nuĭh rblang: Thị Đoắt