Ôi 11/10, nkhêp geh râng tâm nchră gưl têh ASEAN tâl 44, 45 n’hanh ăp tâm nchră geh tât ta Vientiane, Lào, Thủ tướng Phạm Minh Chính hŏ ôp srĭng nău đah Thủ tướng Nhật Bản Shigeru Ishiba. Ta rơh ôp srĭng nău, Thủ tướng Phạm Minh Chính lah rjăp nău khlay bah nău ntrôl dăng tâm boh wăng sa, n’gâng tơm tâm boh bar dak, n’hao dăng buăt nthoi, tâm boh đăp mpăn wăng sa, ntrŭt ntrôl rnoh ngăch ăp trong nchrăp tâm boh khlay; ton nta tay trong dơh an rlău 2.000 doanh nghiệp Nhật Bản tâm boh ntuh kơl n’hanh tăch rgâl ndrel nsĭt nău geh ta Việt Nam.

Thủ tướng dăn đă Nhật Bản mĭn uănh kơl an Việt Nam ăp rnoh manh ODA mhe an ăp trong nchrăp hun hao ntung trong khlay, trong loih nkual ƀon têh, trong loih nchuăt or ngăch. Thủ tướng dăn đă pơk hvi tâm boh tât ăp trong kan mhe đŏng kơt rgâl mbrô, trí tuệ nhân tạo; ƀư jru lơn tâm boh nuĭh kan, ntĭm nti tơm nuĭh kan săk blău âk; ntrŭt ntrôl tâm boh đah ăp n’gor; tâm nđŭr ƀon lan bar dak; mpŏng Nhật Bản geh tay ăp trong ntrŭt nsôr, ntop kơl nuĭh Việt Nam ta Nhật Bản.