VOV4.M’nông – Kêng măng 10/7, Thủ tướng Chính phủ Phạm Minh Chính lĕ pah kan đah Ban Thường vụ Thành ủy Cần Thơ mpeh nu nău mbơh ƀư tĭng Nghị quyết bah Bộ Chính trị mpeh ndâk njêng n’hanh hun hao nkual ƀon têh Cần Thơ tât năm 2030, uănh tât năm 2045; Nghị quyết bah Quốc hội mpeh rlong ƀư du đêt trong ƀư, nău kơl êng an hun hao nkual ƀon têh Cần Thơ.

Ntŭk rƀŭn nar pah kan.

Ntoh ngơi rgop nău ta nar pah kan, Thủ tướng Chính phủ Phạm Minh Chính ntĭm kloh, bôl dơi geh âk nău têh khlay, yơn Cần Thơ hôm e âk nău mô hŏ dơi ƀư kơt: Nsrôih mô hŏ âk, nsrôih mô tŏng têh tâm ntĭm rđău ƀĭt joet jêng mô hŏ dơi rgâl mhe, an ntuh kơl khlay; Hun hao wăng sa mô hŏ tâm di đah ndơ geh, nău nơih. Thủ tướng đă, kruanh nkual ƀon têh an ntĭm rđău ăp n’gâng kan, nău kan, ăp gưl n’gâng kan ƀon lan rblang tay, uănh lah, ƀư kloh nkô̆ nău mô hŏ dơi ƀư n’hanh rhoăt tay nău blău ơm tâm trong kan ntĭm rđău ƀĭt joet gay ƀư uĕh lơn, săk rnglăy lơn tâm năm tât.

Nŭih blang: Y Sưng Phê Ja