VOV4.M’nông- Nar 12/7, Thủ tướng Phạm Minh chính lĕ leo rơh pah kan đah Đảng ủy khối doanh nghiệp Trung ương. Lôch rơh pah kan, Thủ tướng lĕ nchŏng na nê̆ ăp nău dơi geh, ăp nău hôm khan, nău mô dơi, nău kŏ văk tâm nĕ lah na nê̆ nău leo kan, njêng nău nsrôih, pơk trong, ntrôl  ăp nău kan wăng sa êng bâh Đảng ủy khối ê hŏ geh n’hao na nê̆. Thủ tướng dăn đă ăp doanh nghiệp ngih dak an geh ntop khlăy ta nău kan rdâk njêng n’gâng kan wăng sa kan êng, leo kan, nsrôih lăp kan ndrel nău wăng sa têh hvi, ntop mât đăp mpăn nău wăng sa têh. An geh ƀư răng dăng mpeh kỷ luật, pah kan hành chính tâm nău nkra njêng, tăch rgâl, n’hao nău kan uănh nđôi gâl ủy ntŭk kan Đảng. Thủ tướng đă, an geh mĭn uănh tay na nê̆ lĕ rngôch nău leo kan tâm doanh nghiệp ngih dak mhe, săk rnglăy, kan na nê̆, mĭn uănh ntrong kan, nău kơl, mât cán bộ nănh mĭn nănh kan.

Nuĭh rblang: Thị Đoắt