VOV4.M’nông – Di rơh nău ƀư “Nar rgâl mrô nău kan ngân hàng” yor Ngân hàng ngih dak Việt Nam ƀư, nar 4/8, Thủ tướng Chính phủ Phạm Minh Chính lĕ pah kan đah kruanh Ngân hàng Ngih dak n’hanh kruanh ăp ngân hàng thương mại. Thủ tướng đă ăp ngân hàng nsrôih n’hŭch prăk, nsrôih n’hŭch prăk kon, prăk an manh, tâm pă jêr jŏt, nău mâp mô lap, ntop kơl doanh nghiệp n’hanh nuĭh manh n’hanh jâng wăng sa tâm rnôk dŭt jêr jŏt, ntŭl rlong aƀaơ. Ăp ngân hang an nchrăp, nsrôih lơn tay râng ăp nău kơl bôk nău kan, trong nchrăp hun hao wăng sa-rêh jêng bah Đảng n’hanh Ngih dak, lơn lah an manh hun hao jay gŭ an phung pah kan, nuĭh geh prăk khay đêt. Thủ tướng jao Ngân hàng ngih dak ndâk njêng trong ƀư, nău kơl gay ăp ngân hang ŭch êng, râng êng, ƀư tĭng nuih n’hâm tăch rgâl uĕh, lĕ đah kon nuĭh n’hanh nău tâm rnglăp đah ƀon tơm neh dak, nuĭh ƀon lan.

Nŭih blang: Y Sưng Phê Ja