VOV4.M’nông- Lôch rơh uănh nđôi, Thủ tướng Phạm Minh Chính n’hanh mpôl pah kan lĕ pah kan đah nuĭh leo kan nkuăl ƀon têh Hồ Chí Minh mpeh nău wăng sa rêh jêng khay 7, 7 khay bôk năm n’hanh du đê̆ nău nchrăp kan ntuh kơl nsum tơm khlăy bâh nkuăl ƀon têh. Nău mbơh tơih ta rơh pah kan, wa Phan Văn Mãi, kruanh UBND nkuăl ƀon têh Hồ Chí Minh an gĭt, nău ngăch hun hao GRDP 6 bôk năm bâh nkuăl ƀon têh Hồ Chí Minh hao 3,82%, tâm nĕ hun hao pe khay bôk năm rlău 3 tơ̆ đah pe khay bôk năm.

Mpeh nău kan ăp khay dŭt năm, nkuăl ƀon têh mbra rgum ăp trong kan nău nsrôih gay ma ƀư tĭng geh 19 nău mpŏng wăng sa- rêh jêng bâh bôk năm HĐND lĕ mbơh. N’hanh nsrôih an dơi geh nău hun hao kơt nkô̆ mpŏng kan lah 6-6,5%. Ntoh ngơi ta rơh pah kan, ndrel đah rnê ăp nău dơi geh ntoh lư, Thủ tướng nkah đă nkuăl ƀon têh Hồ Chí Minh an geh uănh nđôi, doh rklaih nău jêr jŏt, kŏ văk an nău pah kan jan sa, tăch rgâl ta ntŭk, uănh nđôi lĕ rngôch, ntop tay ntrong kan gay ma n’hao nău dơi rdâk njêng n’gâng kan nkuăl ƀon têh, rgâl mhe ntŭk ntuh kơl, tăch rgâl, nsrôih an dơi geh n’hanh rlău 19 nău mpŏng wăng sa- rêh jêng năm 2022. Thủ tướng lĕ pă nău kan na nê̆ an ăp cán bộ, n’gâng kan gay ma tâm rgop, doh rklaih pah kan tĭng nău dơi ăp nău dăn đă, rgop dăn bâh nkuăl ƀon têh Hồ Chí Minh.

Nuĭh rblang: Thị Đoắt