Ôi lơ 26/5, Thủ tướng Chính phủ Phạm Minh Chính ndrel ăp rđau kan ntơm ƀư ăp nau rƀŭn gưl prêh ASEAN tal 46 ndrel ăp rơh rƀŭn gưl prêh geh ƀư ta Thủ đô Kuala Lumpur, Malaysia. Thủ tướng Chính phủ Phạm Minh Chính hŏ ƀư tơm nar pah kan đah Thủ tướng dak Campuchia ndrel Thủ tướng Lào di rnôk hăn khâl Malaysia, râng ăp rơh rƀŭn. Tâm nau khu răm ndrel tâm dăch dơh, pe Thủ tướng hŏ tâm nchră ăp nau kan tâm boh nsum ndrel ăp nau kan lam ntur neh, nkuăl ndrel uănh khlay.

Pe Thủ tướng rnê prêh nau kan tâm boh nsum ndrel ăp nau kan lam ntur neh, nkuăl ndrel uănh khlay. Pe Thủ tướng tâm ban nau kan tâm boh 2 ding ndrel đah 3 ding Việt Nam-Campuchia-Lào hŏ ndrel dôl hun hao ueh, rgop nau ngăn tâm nau ƀư nâp ndrel bun dăp ân tâm boh 4 dak. Pe Thủ tướng lah rjăp nau mât ndrel ƀư ueh nau tâm rnglăp tâm kơl nsum đah Việt Nam-Campuchia-Lào lơn jêng khlay, lah ngoai tâm ăp nau tơm gay ntrŭt dăng tâm boh rjăp đah pe dak./.