VOV4.M’nông -  Ôi nar 5/8, ta Hà Nội, Thủ tướng Chính phủ Phạm Minh Chính râng kahgĭt 20 năm nar njêng n’gâng kan Tài nguyên n’hanh môi trường. Di rơh aơ, Tổng Bí thư Nguyễn Phú Trọng lĕ njoăl săm ƀŭt rhơn. Tổng Bí thư ŭch n’gâng kan Tài nguyên n’hanh môi trường leo kan lơn tay tâm nău nchroh mbơh, ôp nău, mbơh ƀư ăp trong kan gay ma ngăch tâm rdâng, săk rnglăy đah rgâl trôk nar mih sial, n’hao nău mât uănh si gle dak nor n’hanh mât ueh ntŭk gŭ rêh. Ntoh ngơi ta rơh kahgĭt, Thủ tướng Chính phủ Phạm Minh Chính kơp dơn n’hanh rnê ăp nău nsrôih bâh ăp rơh mpôl kan công chức, viên chức, nuĭh pah kan n’gâng kan Tài nguyên n’hanh môi trường bâh ăp rơh n’hanh rhơn ăp nău dơi bâh n’gâng kan lĕ dơi geh tâm ăp năm ba năp. Tâm let năp tay Thủ tướng đă, nuĭh leo kan, cán bộ, công chức, viên chức, nuĭh pah kan n’gâng kan Tài nguyên n’hanh môi trường an geh n’hao nău tâm rnglăp, tâm rgop na nê̆, rgum ƀư lôch lĕ rngôch nău kan tâm năm kan chính phủ mhe, mât đăp mpăn kloh ueh, săk rnglăy pah kan.

 Nuĭh rblang: Thị Đoắt