Ôi nar 9/10, Tâm nchră gưl têh ASEAN tâl 44, 45 n’hanh ăp tâm nchră geh tât hŏ ntơm pơk rgum ta ntŭk tâm nchră gưl neh dak Lào, đah nău tât râng bah kruanh ăp dak ASEAN, Timor-Leste ndrel âk băl tâm boh êng ƀa ƀă, mpôl kan dak bah dih n’hanh nkual. Thủ tướng Chính phủ Phạm Minh Chính leo mpôl ntơh măt gưl têh Việt Nam râng ntơm pơk.  

Lah ta rnôk ntơm pơk, Tổng Bí thư, Kruanh dak Lào Thoong-lun Xi-xu-lít lah rjăp, tâm let năp tay, ASEAN mbra rgum lĕ rngôch ăp dak Đông Nam Á đah nău Timor-Leste jêng dak lăp kan nsum ăp tŏng bah ASEAN, lah rjăp nău âk ntil n’hanh săk geh têh kuâng bah nkual, nkre pơk luh trong tâm boh mhe đah ăp băl tâm boh. Đah nkô̆  “ASEAN: Ntrŭt ntrôl buăt nthoi n’hanh nsrôih dăng êng”, ăp trong an ƀư lor, trong kan mhe bah năm Kruanh bah Lào rgop tĭng ƀư nău tât dơi nsum rdâk njêng du mpôl ASEAN buăt nthoi lơn n’hanh nsrôih dăng lơn. Lôch rơh ntơm pơk, Thủ tướng Chính phủ Phạm Minh Chính ndrel đah Kruanh ăp dak ASEAN n’hanh Timor-Leste râng rơh hop rgum lam lĕ rngôch Tâm nchră gưl têh ASEAN, tâm ôp mpeh ăp nkô̆ tâm boh tâm ASEAN n’hanh đah  ASEAN đah ăp băl tâm boh./.