Ta thủ đô Brussels, dak Bỉ, Thủ tướng Phạm Minh Chính lĕ râng n’hanh ntoh ngơi ta rơh rƀŭn nchră gâl têh tăch rgâl ASEAN- EU ta bah dih rơh rƀŭn nchră gâl têh kahgĭt ASAEN- EU đah bôk nău: “ N’hao nău tăch rgâl ASEAN- EU: Ntoh ngơi nâp nâl an lĕ rngôch ăp nuĭh”.

Ntoh ngơi ta rơh rƀŭn nchră, Thủ tướng Phạm Minh Chính ndơ̆ mbơh 5 nău mbơh khlăy tâm nĕ lah na nê̆ an geh n’hao nău tâm rnglăp lam ntur neh, n’hao nău chủ nghĩa âk ding, tâm kơl na nê̆, săk rnglăy lơn đah ăp dak. Thủ tướng lah na nê̆, nău tâm boh tăch rgâl đah EU n’hanh ASEAN ăp nar lơ ma hun hao lĕ rngôch mpeh nău têh, nău kan n’hanh nău mpŏng kan jêng lah ăp dak an geh ƀư lôch lĕ trong kan pháp lý, njêng nău kan tơm khlăy, nău dơh nơih ueh gay ma ăp doanh nghiệp n’hao tay nău dơi, mĭn kan, dơn kan, tâm rgop têh dăng lơn, n’hao ăp nău dơi lĕ geh. Thủ tướng lah na nê̆ Việt Nam an geh ƀư tâm ban trong kan nchră nău đah dak bah dih đăp mpăn, kan êng, âk ding, ƀư ueh nău tâm boh kan nchră nău đah dak bah dih, yor nău đăp mpăn, tâm kơl n’hanh hun hao.