Ôi 26/3, lôch rnôk wơt ngăn ta nhih pah kan Chính phủ, Thủ tướng Chính phủ Phạm Minh Chính hŏ rgum nchră đah Thủ tướng Singapore Lawrence Wong. Bar kruanh rđău kan di nuih n’hâm mpeh ăp njuat hun hao dăng tâm boh bar ding.  Singapore dâk tâl bar lam ntŭr neh ntuh kơl tâm Việt Nam; ƀư tay hôm 2 nkual công nghiệp Việt Nam - Singapore dơi an ntuh kơl đŏng, njêng geh 20 nkual VSIP ta 14 n’gor nkual ƀon têh Việt Nam, nsĭt geh tăch rgâl hun hao đăp mpăn, geh tât 10,3 rmen USD năm 2024.

Việt Nam jêng dak tăch n’gluh phe dŭt âk ta Singapore. Bar kruanh rđău kan tâm ban ŭch mpeh ăp trong nkra “n’gêh di, năn ngăch” gay  n’hao nău nsing nơm chính trị, njêng đăt ndal mhe an tâm boh têh jong lam lĕ rngôch; ta năp măt ơm ƀư lôch  jêh n’hanh tĭng ƀư geh nău tam bôk nău kan tâm trôm nău tâm boh lvang năm 2025 - 2030. Bar ding tâm ban ŭch n’hao âk mpôl tâm khâl, tâm mâp gưl têh n’hanh ăp gưl; an ƀư geh nău tam ăp trong n’găp tâm boh bar ding, lơn lah trong n’glăp tâm boh way ăp năm đah Thủ tướng bar dak.