Tâm ba năp nơh, Đại sứ quán way geh mât kơl ntŭk rêh jêng nuĭh Việt Nam, kơl an ƀon lan gŭ dak bah dih đăp mpăn pah kan jan sa, ntop an hun hao wăng sa rêh jêng bâh Lào n’hanh tâm rgop an ƀon tơm, neh dak, an nău tâm boh Việt Nam- Lào. Ntoh ngơi ta rơh tâm mâp, Thủ tướng Phạm Minh Chính rnê ăp ntŭk kan ndơn kan ta Lào lĕ rlet rlău âk nău jêr jŏt, ƀư lôch ueh ăp nău kan ma Đảng n’hanh Ngih dak pă an, ntop ntrôl an nău tâm boh tâm rnglăp têh khlăy, tâm rnglăp ueh n’hanh tâm kơl lĕ rngôch Việt Nam- Lào. Thủ tướng lah na nê̆, ta nău tâm boh Việt Nam- Lào, tâm boh kan chính trị lah tơm khlăy, nkre lah ntrôl an tâm kơl wăng sa, tâm kơl ntĭm nti, ntĭm nti nuĭh kan n’hanh ăp trong kan êng, ntop ndâk nsơm, bun dăp nău tâ boh kan Việt -Lào ăp nar lơ ma hun hao ta ăp trong kan, nsĭt tay nău geh na nê̆ an ƀon lan 2 dak.