Ta rơh tâm mâp, Thủ tướng Phạm Minh Chính mpơl nău lah ueh nău rŏng n’hanh nău kơl an âk bâh Tổng thống Joe Biden đah nău hun hao bâh rơh tâm boh kan Việt Nam- Hoa Kỳ n’hanh ŭch an lah tâm let năp tay, bol ma ta ăp nău kan, Tổng thống Joe Biden mbra geh kơl tay n’hanh tâm rgop âk ngăn an nău tâm boh kan 2 ding. Rhơn geh tâm mâp tay Thủ tướng chính phủ Phạm Minh Chính, Tổng thống Joe Biden lah na nê̆ Thủ tướng Chính phủ lah du hê nuĭh băl ueh bâh Hoa Kỳ. Tổng thống Joe Biden mpơl nău rhơn rnôk geh saơ, tâm năm kan nơm, 2 dak lĕ n’hao nău tâm boh kan hao kan ndrel lĕ rngôch n’hanh lah na nê̆ way kơl an nău tâm boh ueh Hoa Kỳ- Việt Nam mô rlu hun hao.

Ta rơh tât râng rƀŭn nchră đŏng, Thủ tướng Chính phủ Phạm Minh Chính lĕ geh âk rơh tâm mbơh nău na nê̆, nsrôih ueh đah nuĭh leo kan ăp dak Malaysia, Anh, Italia, Thổ Nhĩ Kỳ, Bồ Đào Nha, Mexico, Nam Phi, Angola, Tanzania, Qatar  n’hanh Ả-rập Xê-út.