VOV4.M'nông: Kêng măng 13/7, ta Văn phòng Chính phủ, Thủ tướng Chính phủ Phạm Minh Chính hŏ wơt wa Pauline Tamesis, Nuĭh đă hăn kan Liên hợp quốc hăn tât ndơ̆ si ƀŭt Uỷ nhiệm bah Tổng Thư ký Liên hợp quốc, ntơm pah kan ta Việt Nam. Ta rơh wơt, Thủ tướng an gĭt: Việt Nam hŏ nsrôih n'hanh geh âk nău rgop tâm nău kan bah Liên hợp quốc, tâm nê geh nău dơn kan Ủy viên mô rnâng kan Hội đồng Bảo an Liên hợp quốc, râng rgop mât njrăng đăp mpăn bah Liên hợp quốc. Thủ tướng Chính phủ mpŏng Liên hợp quốc mbra ndrel hăn tay n'hanh ntop kơl Việt Nam geh nău dơi tâm njăr trong hăn bơi tât, lơn lah tâm nău tĭng ƀư ăp rnoh tât kan hun hao jŏ jong, dâk hao tay lôch bah nuh srê, đăp mpăn lam rêh jêng kon nuĭh, ntop kơl tĭng ƀư ăp nău ton mpeh rgâl duh nđik trôk nar. Thủ tướng lah rjăp Chính phủ Việt Nam mbra  ntrôl dăng tay ăp nău kan tâm boh đah Liên hợp quốc n'hanh nta trong dŭt dơh uĕh an ăp mpôl kan Liên hợp quốc an ƀư geh nău tam ăp bôk nău kan, trong nchrăp tâm boh ta Việt Nam.

Nuĭh rblang: Điểu Thân