Kêng măng nđaơ, Thủ tướng Phạm Minh Chính râng ntơm ƀư Nău nchrăp ƀư âk nkual têh, pâl nđaih bri dak, tach gôn Khoái Châu, n’gor Hưng Yên. Ntoh ngơi ta ntơm ƀư, Thủ tướng Phạm Minh Chính nkoch nău răm rhơn rnôk râng ntơm ƀư du nău nchrăp ƀư khlay, geh nkô̆ têh đah hun hao wăng sa-rêh jêng bah n’gor Hưng Yên n’hanh bah lam dak.

Thủ tướng mpŏng nău nchrăp ƀư mbra jêng du rup ndah, ntơm nău tâm boh kan ndrel têh lĕ rngôch, jru hvi, nâp nâl đah 2 dak Việt Nam-Hoa Kỳ. Thủ tướng jao n’gor Hưng Yên hăn ndrel đah nuĭh ntuh kơl tâm nău sŏk neh. Mât uănh nău rêh an ăp rnăk wâl, ăp nuĭh lĕ an du gưl neh tuch tăm an nău nchrăp ƀư, đăp mpăn nău rêh drăp ndơ, nuih n’hâm nuĭh ƀon lan uĕh lơn ntŭk gŭ ơm. Nkre ăp n’gâng kan, nău kan ntop kơl tay mpeh samƀŭt tâm rnôk ƀư nău nchrăp ƀư, mkra lôch ăp wăk kol mhe ntoh tâm rnôk ƀư tĭng nău nchrăp ƀư.