VOV4.M’nông –  Ôi 4/8, ta Hà Nội, Ngân hàng Ngih dak Việt Nam ƀư nău rgâl mrô nău kan Ngân hàng. Thủ tướng Chính phủ Phạm Minh Chính râng n’hanh ntoh ngơi ntĭm rđău ta nău ƀư. Ntoh ngơi ta nău ƀư, Thủ tướng Chính phủ Phạm Minh Chính an lah, rgâl mrô lah trong hăn khlay n’hanh nău ŭch lĕ rngôch he.

Thủ tướng râng nău ƀư “Rgâl mrô nău kan ngân hàng”.

Đảng, Ngih dak he uănh khlay n’hanh uănh aơ lah ngoăy tâm âk nău kan khlay bôk năp. Thủ tướng Chính phủ lĕ uănh an bôk nău kan rgâl mrô ngih dak tât năm 2025, Rƀŏng tât năm 2030. Đah nuih n’hâm rgâl mrô du trong lĕ rngôch, đah tât râng bah nuĭh ƀon lan, doanh nghiệp n’hanh ngih dak yơn an geh sŏng di; ma nău kan Ngân hàng rgum tŏng ăp lĕ nkô̆ nău gay hăn lor tâm rnôk nĕ. Thủ tướng đă n’hao trong kan nkoch trêng đah nău uĕh bah rgâl mrô tâm nău kan ngân hàng tât nuĭh ƀon lan, doanh nghiệp, kơl nuĭh ƀon lan, doanh nghiệp wât kloh đah nău uĕh n’hanh săk rnglăy.

Nŭih blang: Y Sưng Phê Ja