Ta rơh tâm nchră ta rmôt bah Rơh hop tâl 9, Quốc hội khóa XV, Thủ tướng Chính phủ Phạm Minh Chính lah rjăp: Tâm rnôk âk ntul rlong lam ntŭr neh, Việt Nam n’gluh nău tât rnoh hun hao rlău 8% năm 2025 n’hanh rƀŏng tât hun hao bar keh mbrô tâm let năp tay, nsrôih jêng neh dak hun hao, nsĭt nău geh âk tâm năm 2045.

Gay ƀư jêng ngăn ngăn rnoh tât kan nê, Thủ tướng an lah ân rgum tâm pe đăt ndal: trong tĭng, ntŭk ntô, ndơ dŏng  n’hanh tơm nuĭh kan. Tâm nê, đăt ndal trong đă tĭng lah "ntŭk kol khan bah kô̆ yơn kol khan”, yơn lah tơm ndơ, suan ntrôl an hun hao đŏng. Thủ tướng lah rjăp nău tĭng ƀư Nghị quyết 66, nsrôih droh rklaih ăp mpêr n’gar nking kol trong tĭng năm 2025 gay ƀư trong đă tĭng jêng nău dơi tâm rlong. Thủ tướng kuăl jă Quốc hội n’grŏ tĭng tay dăng rơh rgâl đă trong tĭng, njêng jâng nsing nâp gay neh dak hun hao dăng, jŏ jong let năp tay.