Dơn nău jă bah Thủ tướng Chính phủ Việt Nam Phạm Minh Chính n’hanh I ur, Thủ tướng Singapore Lawrence Wong ndrel I ur khâl ngăn Việt Nam ntơm bah nar 25 - 26/3. Aơ lah hăn khâl dŭt n’hâm khlay mha êng ƀư tâm mô hŏ tât 2 pơh lôch hăn khâl bah Tổng Bí thư Tô Lâm tât Singapore.

Nău nê an saơ tâm boh bar ding đah Việt Nam n’hanh Singapore aƀaơ dôl hun hao dŭt uĕh lăng n’hanh kruanh gưl têh bah bar ding dŭt uănh khlay n’hanh mpơl nău nsrôih gay ntrôl tâm boh dja đŏng. Hăn khâl lah rnôk gay kruanh rđău kan bar ding mbra tâm ôp tay  ăp nkô̆ ma bar ding hŏ nkoch tât tâm trong hăn khâl bah Tổng Bí thư tât Singapore mhe aơ, kơl an ƀư ăp nkô̆ hôr jru hvi bah tâm trôm bah nău mbơh mpeh n’hao tâm boh têh jong lam lĕ rngôch đah Việt Nam n’hanh Singapore. Tâm rnôk hăn khâl bah Thủ tướng Singapore tât Việt Nam rơh dja, lĕ rngôch ăp kruanh gưl têh bah Việt Nam mbra geh ăp rơh mâp đah kruanh rđău kan bah Singapore da dê.