Aơ lah rơh tât khâl Việt Nam bôk năp bâh Thủ tướng Lý Cường kơp bâh ntơm 2 dak n’hao nău tâm boh tâm rnglăp tâm kơl lĕ rngôch, rdâk njêng ntŭk rêh jêng tâm kơl kan tâm let năp tay đah Việt Nam- Trung Quốc. Rơh tâm mâp geh rnôk nău tâm boh kan 2 dak geh âk nău hun hao ueh mhe, rơh tât khâl mbra geh ntrôl tay lơn nău tâm boh tâm rnglăp tâm kơl đah 2 dak. Tĭng nău nchrăp, ta ôi tay 13/10 Thủ tướng Phạm Minh Chính mbra leo rơh vơt n’hanh tâm nchră đah Thủ tướng Trung Quốc. Ta năp nĕ, ta măng aơ, Thủ tướng Trung Quốc Lý Cường mbra tât mbah ôp Tổng Bí thư, Kruanh dak Tô Lâm.