VOV4.M'nông: Kêng măng ntri (11/7), Ta nhih pah kan Chính phủ, Thủ tướng Chính phủ Phạm Minh Chính hŏ wơt Bộ trưởng tâm boh dak bah dih, Tăch rgâl dak bah dih N'hanh Chroh rƀŭn dak Cộng hòa Argentina, wa Santiago Andres Cafiero nkhêp geh hăn khâl ngăn Việt Nam ntơm bah nar 09 - 11/7.

Ta rơh wơt, Thủ tướng dăn đă bar ding tâm rgop kan nsum lhăt gay ntrŭt ntrôl ăp trong hăn n'hanh mât tâm khâl gưl têh, rdâk njêng trong nchrăp nkah ndray 50 năm njêng tâm boh đah bar dak tâm năm 2023; mât trong tâm boh, tâm kơl nsum ta ăp mpôl kan dak bah dih n'hanh rgum nchră âk ding, rgop uĕh tâm trong nkra ăp nkô̆ nău tâm nkual n'hanh lam ntŭr neh. Ngoại trưởng Argentina ŭch rŏng n'hao tâm boh lam lĕ rngôch đah Việt Nam hao  prêh mhe. Bộ trưởng ton mbra ntrŭt ntrôl tâm boh đah ăp n'gâng kan mpeh Argentina kan nsum đah mpeh Việt Nam n'hao tâm boh tâm rnglăp n'hanh tâm boh âk ntil đah Việt Nam n'hanh Argentina nar lơn ma lăp tâm ngăn ngăn; rƀŏng tât rdâk njêng tâm boh têh jong tâm ăp trong kan n'hanh ŭnh nar n'hanh tuch tăm yor an ma nău geh ƀon lan  bar dak./.

Nuĭh rblang: Điểu Thân