Thủ tướng Phạm Minh Chính n‘hanh Đaị sứ Hà Vĩ lĕ ndrel uănh tay ăp nău ueh mhe âk bâh nău tâm boh kan Việt- Trung tâm năm 2025, tâm mbơh mpeh ăp trong kan mbơh tơih, ƀư tĭng an geh săk rnglăy nău gĭt vât nsum bâh nuĭh leo kan bar Đảng, 2 dak, ntrôl an nău tâm boh 2 ding an geh hun hao du njoat mhe tâm let năp tay. Thủ tướng đă n’hao nău tâm rnglăp tâm kơl ngăn , ntrôl an tăch rgâl 2 ding tâm ban, nâp nâl, mpeh đah Trung Quốc nta nău dơh nơih mpeh an kan đah n’gâng kan tuch tăm, tui ka n’hanh ntil ndơ mât rong bâh Việt Nam an tâm di đah nău mpŏng kan, kơl an drăp ndơ Việt Nam tăch an dak bah dih tât Trung Quốc tât ăp ntŭk êng. Bar ding lĕ tâm mbơh mpeh nău tâm kơl rvăt điện bâh dak bah dih, hun hao mpông n’har bri ueh mhe n’hanh nău wăng sa ta ăp ntŭk dăch n’har bri.