Mpôl pah kan bah n’gor Gia Lai yor Groi Kruanh UBND n’gor Nguyễn Thị Thanh Lịch ƀư kruanh mpôl kan tât khâl, mbah rhơn Tết ăp ntŭk kan n’hanh rnăk wâl nuĭh geh soan ntoh lư ta du đêt ntŭk ta ăp xă: Ia Rbol, Ia Rsai, Uar, Ia Dreh n’hanh Phú Túc, du rnăk dơi an 1 nklâm ndơ bah n’gor n’hanh 2 rkeh prăk măt. Bu ranh ƀon Ksor Chuel ta ƀon Rưng Ama Nhiu, xă Ia Rbol, Gia Lai an gĭt:

Rnăk wâl gâp kơt kônh wa tâm ƀon, nău rêh nar aơ đăp mpăn n’hanh sâm geh lơn, ăp jay rƀŏng tât nău rêh hơm răm, uĕh lăng. Bah meng nĕ, Đảng n’hanh Ngih dak uănh tât mro, mât uănh tât nău rêh bah ƀon lan rnoi mpôl đêt ta nkual Tây Nguyên, kơl kônh wa ntơm hun hao wăng sa, n’hao nău rêh. Năm tât, gâp mpŏng Đảng n’hanh Ngih dak uănh tât âk lơn tay, geh tay ăp nău kơl ngăn ngên gay nuĭh rnoi mpôl đêt đăp mpăn pah kan, nkra njêng, đăp mpăn nău rêh jŏ jong.

Đah ƀon lan nuĭh Bunong ta xã Nâm Nung n’gor Lâm Đồng- nkual căn cứ Cách mạng ta rơh tâm lơh tâm su kăl e aƀaơ lĕ geh âk nău rgâl mhe. Aƀaơ, ƀon lan tâm xã dôl hun hao wăng sa bâh tơm cà phê, tiu, ba lŏ n’hanh geh mât rbăy nău ueh êng mpôl rnoi. Êng ta ƀon Ja Rah, ƀon lan Bunong hôm nha geh mât rbăy 20 bor chĭng  đah 30 nuĭh way geh tŭr chĭng mbro ta ăp rơh pah kan bâh ƀon lan, 30 nuh way geh tanh cheh mbân ao, tanh sah waih. Lĕ rngôch ăp rnăki lĕ geh mât rbăy chĭng gong gay ma ƀư ndrănh yăng way ơm. Ăp nău kan lễ hội bâh mpôl rnoi Bunong kơt mprơ tâm pât, ƀư ăp ntil ndơ uh goh hôm nha geh mât rbăy dŭt ueh. Wa Y’Nkrơm rnoi Bunong ta ƀon Jarah, xã Nâm Nung, n’gor Lâm Đồng lah na nê̆, nău rêh mhe hơm răm, đăp mpăn nĕ lah nău dơi bâh nău tâm rnglăp têh, nău nsrôih hun hao bâh ƀon lan ăp mpôl rnoi ta nkual căn cứ cách mạng. “Năm aơ ƀư tĭng nău kan wăng sa mhe lah nău geh âk lơn đah năm e nơh. Rnăk vâl gâp geh 1 sào ba lŏ geh rek 20 bao. Hôm cà phê geh 5 tấn, nău geh âk lơn gâp saơ dŭt rhơn ngăn hôm. Năm aơ tăch geh rlău 100 rkeh prăk, n’hâp lĕ prăk rvăt phân poh hôm rmeh gay ma mât ueh tơm tăm n’hanh rvăt năp ndơ tâm rnăk vâl, hôm e 20-30 rkeh prăk nchrăp vơt têt rhơn năm mhe ndrel dah ƀon lan tâm ƀon. Te3et way ơm rĭ geh ƀư ngêt sông jă ƀon lan tâm ƀon tât râng, ăp rnăk tâm luh ti pah kan ndrel klâp ma 10 rnăk, n’hanh jă oh nô, băl mpôl dăch ngai tât ngêt sông rhơn năm mhe, an năm tay geh ueyh lơn”.