Tổng Bí thư njoăl nău ôp khâl tât âk nuĭh Việt Nam ta dak bah dih , kơp dơn nău rŏng đah neh dak, nău dơn kan đah ƀon tơm neh dak, ƀon lan. Tổng Bí thư lah na nê̆, Đảng n’hanh Ngih dak he way geh lah na nê̆ nău mĭn lĕ rngôch ƀon lan lah tu tơm, lah nklang, nuĭh tơm nkô̆ mpŏng kan, lah nău nsrôih n’hanh rnoh hun hao bâh nău hun hao, tâm nĕ, âk nuĭh Việt Nam ta dak bah dih lah ntuk mô dơi nglah êng bâh mpôl rnoi Việt Nam, lah rnoh kan tơm khlăy ngăn bâh rmôt kan tâm rnglăp lĕ ƀon lan ta rơh hun hao mhe. Tổng Bí thư ŭch, ƀon lan he ta dak bah dih way geh ƀư tĭng ueh luật pháp ta ntŭk, tâm rnglăp rdâk njêng ntŭk rêh jêng ăp nar lơ ma hun hao têh dăng, n’hao nău dơi, nău knơm bâh ntŭk rêh jêng, way geh nsrôih mât rbăy, mbơh tơih nău ueh êng Việt Nam, rdâk njêng rup ueh mpeh neh dak, kon nuih Việt Nam tâm băl mpôl lam ntur neh.