Tổng Bí thư, Kruanh dak uănh lah prêh, jêh du năm ƀư tĭng Nghị quyết 71, rgâl na nê̆ ngăn mpeh nău mât, trong ƀư, nău kơl, tơm prăk n’hanh trong mât uănh; âk ntŭk kol hôm e jŏ năm ntơm dơi rơih jăng. Nău kơl đah nai, nuĭh nti dơi uănh lah; ntĭm nti nău kan n’hanh ntĭm nti đại học geh nău rgâl tĭng trong hăn ndrel đah khoa học, công nghệ, rgâl mĭn ƀư mhe n’hanh nău ŭch nuĭh kan.

Yơn lah, Tổng Bí thư, Kruanh dak an lah ăp nău rgâl mpeh ueh nâp ntĭm nti, rmôt nai, nuĭh nti n’hanh nuĭh kan mô hŏ ngăn ngên kloh rah wah. Năm tât an rgâl dăng jêh trong ƀư, nău kơl an rdâk ƀư tĭng, geh săk rnglăy na nê̆. Nău kan ntĭm nti an rgâl mhe ngăn ngên bah mât uănh ngih samƀŭt, rmôt nai tât trong ntĭm, nti, tâm rlong n’hanh uănh lah; n’hŭch nti kăr, nti rdâng, n’hao nti êng, ƀư ngăn, rlong ngăn, nău mĭn đăp mpăn n’hanh nău dơi mkra nu nău.