Ntoh ngơi ta nar pah kan, Tổng Bí thư, Kruanh dak Tô Lâm lah rjăp 3 nkô̆ nău têh tâm nĕ an ŭch geh công nghiệp ndơ trong dak lêng neh dak di ntŭk tâm trong rdâk njêng Việt Nam jêng neh dak dak lêng têh. Aơ lah nuih n’hâm công nghiệp n’gâng tơm, rhŏ an hun hao wăng sa dak lêng, rmôt kan ntung trong dak lêng, đăp mpăn mât njrăng neh dak-rnă njrăng n’hanh n’hao dơi ƀư tơm êng.

Nkoch mpeh nău kan bah năp măt, Tổng Bí thư, Kruanh dak đă, rgum pơk mpông ntŭk tăch, joi ƀư săk rnglăy ndơ geh aƀaơ n’hanh mkra 6 ntŭk kol; Đảng ủy Chính phủ ntĭm rđău, ƀĭt joet ndăn ndâk njêng Bôk nău kan lam dak hun hao công nghiệp ƀư tàu n’hanh cơ khí dak lêng tât năm 2035, uănh tât 2050. Mpeh jŏ jong, Tổng Bí thư, Kruanh dak Tô Lâm đă, an rgâl bah nău mĭn dơi nkra njêng an ndâk njêng trong công nghiệp ndơ trong dak lêng n’hanh trong dak mhe, ueh, mrô, dơi ƀư tơm êng n’hanh tâm rlong lam ntŭr neh.