Lah ta rơh hop, Tổng Bí thư, Kruanh dak Tô Lâm lah rjăp nău khlay glo tơm bah văn hóa, lah rjăp aơ lah jâng nsing nuih n’hâm nâp dăng bah rêh jêng kon nuĭh, lah nău ŭch tât n’hanh suan ntrôl khlay gay hun hao neh dak jŏ jong; Ban rđău đă ân đăm gĭt jru tay ăp nghị quyết bah Đảng, lơn lah n’glôch jêh bah drô Tổng Bí thư Nguyễn Phú Trọng ta rơh Tâm nchră Văn hóa lam dak năm 2021. Păng njrăng đă nău rdâk njêng rnoh khlay kon nuĭh Việt Nam rơh mhe ân nkre đah mât ndray săk tơm rnoi nuĭh n’hanh rgum lĕ rsang rnglay bah ntil kon nuĭh. Nkre, ân rgum ƀư lôch jêh ăp tŏng trong tĭng, trong kơl, rgum lĕ ăp tơm ndơ lam mpôl gay ntuh kơl an văn hóa, ndơ̆ văn hóa lăp jru tâm ăp trong kan bah nău rêh, suan ntrôl dăng tĭng ƀư geh nău dơi rnoh tât hun hao wăng sa neh dak.