Uănh lah trong kan tâm rnglăp nchră nău bah dih bâh jêh Đại hội 14 bah Đảng geh âk săk rnglăy khlay, Tổng Bí thư, Kruanh dak đă Ban ntĭm rđău mât ueh ƀư tơm tâm pă nău kan têh, mkra săk rnglăy ăp nău têh, ăp nău kan. Ngih pah kan rnâng kan lah N’gâng kan tâm rnglăp nchră nău dơi jao jêh ăp nău ntrŭnh tĭng trong way ƀư “6 kloh”: kloh nuĭh, kloh nău kan, kloh mông nar, kloh lĕ đah nău kan, kloh ndơ, kloh nău dơi mkra.

Mpeh nău kan bah năp măt an rgum tâm 6 khay dŭt năm 2026, Tổng Bí thư, Kruanh dak ntĭm kloh an jêh dâl ăp samƀŭt n’gâng tơm gay Ban Ntĭm rđău pơk dŏng tâm ban ŭch, săk rnglăy; jao an Ngih pah kan Rnâng kan Ban ntĭm rđău ƀư tơm, tâm rgop đah N’gâng kan Tư pháp, N’gâng kan Công thương, ăp ban, n’gâng kan nău kan, ƀon lan geh tât kơp uănh lĕ rngôch nău ƀư ăp nău ton, điều ước lam ntŭr neh, tâm ton lam ntŭr neh khlay; ƀư n’gul gâl 1 năm ƀư tĭng nghị quyết 59; nchrăp ndâk njêng trong kan tâm rnglăp nchră nău bah dih lĕ rngôch ta trong uănh prêh mhe.