Ôi 1/7, ƀư tơm Tâm nchră lam dak sơ kết trong leo ƀư n’gâng kan 3 gưl, Tổng Bí thư, Kruanh dak Tô Lâm đă ƀư lôch jêh ăp tŏng trong tĭng, ntrôl dăng tâm pă gưl, tâm pă nău kan nkre đah mât kân nău dơi kan, rdâk njêng rmôt cán bộ tŏng an nău ŭch geh, đăp mpăn nuĭh kan mhe kan yach ngăch, geh nău tam, rhŏ dŏng uĕh lơn đah nuĭh ƀon lan n’hanh doanh nghiệp.

Tổng Bí thư, Kruanh dak lah rjăp trong nchrăp dăp rgum, glêh tam nuĭh kan lam trong kan chính trị lah di, khlay ngăn n’hanh geh nkô̆ têh jong đah nău hun hao neh dak. Tâm let năp tay, ân ra uănh tay, lôch jêh ăp tŏng trong kan pháp luật, đăp mpăn dơn ngoăy, kloh rvah, dơh soih an nău tĭng ƀư ta lĕ 3 gưl n’gâng kan. Gưl ủy ân rđău đă ma trong rƀŏng têh jong, ma trong tĭng, ma pah kan cán bộ, ma trong ôp uănh, groi nđôi, uănh năl lôch jêh. Ân đăp mpăn nău rđău kan lam lĕ rngôch bah Đảng, yơn mô ƀư rgâl, mô mƀơk lhoi, mô lăp rglah mô lăng khlay tâm nău dơi kan, nău dơn kan bah ăp nhih pah kan ngih dak, MTTQ n’hanh ăp mpôl kan chính trị - rêh jêng kon nuĭh.